Amapolisa aseBridge Camp abambe indoda eneminyaka engama-33 ngezityholo zokubulala isinqan’ mathe sayo esineminyaka engama-28 kwifama yaseBesedi eGwatyu, kwingingqi yaseQamata.
Ngokwengxelo yamapolisa, esi sehlo sibi senzeke ngobusuku bangoLwesibini, umhla wama-27 kweyoMqungu ka-2026.
Xa kufikwa kwindawo yexhwayelo, amapolisa afumene umrhanelwa elele kwindlu enkulu, enxibe iimpahla ezinamachaphaza egazi. Ngelo xesha ke, umzimba welibhinqa wafunyanwa kwityotyombe elisemva kwendlu.
Kutyholwa ngelithi, umrhanelwa uvumile esi senzo sokubulala waza kananjalo wakhomba izembe ekuthiwa lisetyenziswe kolu hlaselo.
Ngokulandelayo, kulindeleke ukuba umrhanelwa avele phambi kwenkundla kamantyi yaseCofimvaba ngoLwesine, umhla wama-29 kweyoMqungu ka-2026.
Ngeli xesha, amapolisa asigxekile esi sehlo, esithi senzeka nangona kusenziwa iinzame zokulwa ubundlobongela obusekelwe kwisini.
